ГРАМАДСТВА
Сектар грамадства ўключае ў сябе такія сферы, як грамадзянская супольнасць і правы чалавека, а таксама СМІ і сумежныя прафесійныя сферы. Ён можа быць прадстаўлены шырокім спектрам спецыялістаў ад нізавых ініцыятыў да НДА (нават часова незарэгістраваных ці працуючых афіцыйна) і незалежных СМІ, якія прасоўваюць дэмакратычныя каштоўнасці.
Падаць заяўку на грантЯк спланаваць паездку ў ЕС у сектары Грамадства ў межах праграмы MOST+.
Тыя, хто падаюць заяўку ў гэтым сектары могуць:
- арганізаваць вучэбную паездку ў некалькі прафесійных арганізацый;
- зладзіць азнакамляльную паездку;
- наведаць еўрапейскія ўстановы з мэтай прасоўвання грамадскіх інтарэсаў;
- правесці стратэгічныя перамовы з патэнцыйнымі партнёрскімі арганізацыямі;
- удзельнічаць у круглых сталах з экспертамі;
- удзельнічаць у канферэнцыі і выступіць з дакладам ці прамовай;
- прайсці стажыроўку ў еўрапейскай ці нават міжнароднай арганізацыі, размешчанай у ЕС.
Сярод мерапрыемстваў, якія можна наведаць у рамках праграмы MOST+, могуць быць напрыклад:
Штогадовая Нарада АБСЕ па разглядзе выканання абавязацельстваў, прысвечаная чалавечаму вымярэнню ў Варшаве. На ёй сотні функцыянераў, міжнародных экспертаў, прадстаўнікоў грамадзянскай супольнасці і актывістаў падводзяць вынікі выканання дзяржавамі-сябрамі АБСЕ іх абавязацельстваў у галіне правоў чалавека. На працягу двух тыдняў удзельнікі абмяркоўваюць прагрэс у сферы дэмакратыі, правоў чалавека і фундаментальных свабод. Канферэнцыю праводзіць Бюро АБСЕ па дэмакратычных інстытутах і правах чалавека (БДІПЧ).
Або Мінскі Форум – штогадовая міжнародная канферэнцыя, прысвечаная аналізу і абмеркаванню палітычных, эканамічных і сацыяльных праблемаў у Беларусі і суседніх краінах. З 1997 года Мінскі Форум наводзіць масты паміж Беларуссю, Германіяй і ЕС, а таксама ўнутры беларускага грамадства. Ён стаў найбуйнейшай дыялогавай пляцоўкай, прысвечанай Беларусі. Галоўны арганізатар форума - Беларуска-нямецкае таварыства. Ён праходзіць у Літве, Польшчы, Бельгіі і Германіі.
