ЯК ЗАПАЎНЯЦЬ ЗАЯЎКУ
Вось некалькі парадаў, якія дапамогуць вам паскорыць працэс падачы заяўкі і павялічыць шанцы на атрыманне гранта:
Каб атрымаць грант на стажыроўку па праграме MOST+, вы павінны пакінуць заяўку на партале падачы заявак Гётэ-Інстытута (GAP), далучыўшы наступныя дакументы:
Дадатак 1
"Запрашэнне ад прымаючай арганізацыі, праграма канферэнцыі або іншае пацвярджэнне наяўнасці праграмы знаходжання" (па адным запрашэнні ад кожнай прымаючай арганізацыі);
Дадатак 2
"Рэзюмэ" – далучыце сваё ўжо існуючае рэзюмэ або стварыце яго па гэтым узоры, гэты узор дапаможа вам структураваць інфармацыю і прэзентаваць яе ў максімальна яснай і даступнай форме. Дзякуючы гэтаму журы зможа даць вашай заяўцы справядлівую і аб'ектыўную ацэнку. У выпадку групавых заявак, рэзюмэ падаецца ад кожнага заяўніка;
Дадатак 3
"Дазвол на выплату гранта на прафесіянальную мабільнасць па праграме MOST+ трэцім асобам" (калі гэта актуальна для вас, скарыстайцеся гэтым узорам дазволу).
Заяўку, суправаджальныя дакументы і справаздачы можна падаваць на беларускай, англійскай ці рускай мове (заяўкі, запоўненыя на іншых мовах, не разглядаюцца).
Тэхнічная інфармацыя пра запаўненне электроннай заяўкі:
- Спачатку неабходна зарэгістравацца як фізічная асоба на партале прыёму заявак GAP;
- Для рэгістрацыі на партале спатрэбіцца адрас вашай электроннай пошты. На яго вы будзеце атрымліваць інфармацыю пра пададзеную заяўку, таму раім рэгулярна правяраць указаную пры рэгістрацыі электронную паштовую скрыню;
- На ўсіх укладках ёсць абавязковыя і неабавязковыя палі, абавязковыя палі адзначаны зорачкай. Вы не зможаце падаць заяўку, пакуль не будуць запоўненыя ўсе абавязковыя палі;
- Запоўніўшы ўсе палі і напісаўшы абавязковыя звесткі, вы можаце падаць заяўку, націснуўшы кнопку «Захаваць і адправіць» на апошняй старонцы формы. Далей заяўка накіроўваецца на разгляд журы. Пасля гэтага вы больш не зможаце змяняць яе ці далучаць туды файлы;
- Калі вы не атрымаеце аўтаматычнага электроннага ліста з пацвярджэннем паспяховай падачы заяўкі, паведаміце пра гэта ў праграму MOST+ па электроннай пошце: infomobility@goethe.de ;
- Абавязкова падавайце заяўку як мага больш загадзя да запланаванай даты ад'езду (не менш за два месяцы да гэтай даты; і не менш за тры - калі патрэбна віза), бо ацэнка займае пэўны час, а выплата гранта праходзіць працэдуру ўнутранай праверкі.
Якая інфармацыя ўказваецца ў электроннай заяўцы?
Бесперапынны прыём заявак на праект MOST+
Укажыце ваш прафесійны сектар (з шасці прапанаваных у межах праекта паездкі)
Персанальныя дадзеныя (укладка "Звесткі аб заяўніку")
- Прозвішча, імя (напісанне лацінскімі літарамі як у пашпарце)
- Пол
- Узрост (абраць узроставую катэгорыю)
- Грамадзянства
- Краіна пражывання (месца фактычнага пражывання, не абавязкова месца рэгістрацыі)
- Паштовы адрас
- Электронная пошта
- Нумар тэлефона
- Звесткі пра месца працы (не абавязкова)
- Ці маеце інваліднасць і ці неабходныя вам адмысловыя ўмовы
Інфармацыя аб праекце мабільнасці
Мэты вашай мабільнасці:
- Наладжванне партнёрскіх стасункаў у сваёй прафесійнай сферы
- Пашырэнне міжнародных прафесійных кантактаў
- Распрацоўка сумесных праектаў
- Прасоўванне свайго прадукту ці паслугі
- Даведацца пра важныя дасягненні ў сваей сферы і расказаць шырокай аўдыторыі пра свае
- Паўдзельнічаць у вучэбна-азнаямленчых паездках і візітах па абмене досведам
- Праходжанне стажыроўкі
- Іншыя мэты, якія дапамогуць вам інтэгравацца ў еўрапейскія прафесійныя супольнасці.
Тып вашай мабільнасці:
- Удзел у канферэнцыях, кангрэсах, форумах, міжнародных мерапрыемствах, іншых галіновых мерапрыемствах
- Азнакамлялльная паездка або паездка для абмену досведам
- Стажыроўка
- Трэнінг
- Паездка ў некалькі краін ці ў некалькі этапаў
- Візіты еўрапейскіх партнёраў
- Мабільнасць онлайн
- Іншы тып
Працягласць паездкі:
- Дата пачатку
- Дата сканчэння
Краіна (краіны) прызначэння:
Спіс з 27 краін ЕС плюс Рэспубліка Беларусь (выбар да 3 краін ЕС)
Звесткі аб прымаючым баку/партнёрах:
Кантактная інфармацыя і абгрунтаванне выбару прымаючага боку/партнёра (да 10 розных арганізацый на адну паездку)
Падрабязнае апісанне паездкі:
У тым ліку план дзейнасці і запланаваныя вынікі (максімальная колькасць знакаў: 4000 разам з прабеламі)
Прафесійная значнасць паездкі:
Мэты і значнасць паездкі для вашай прафесійнай дзейнасці і вашага кар'ернага росту
Значнасць паездкі для вашай прафесійнай супольнасці:
Як вы плануеце дзяліцца атрыманым падчас паездкі досведам з іншымі беларускімі спецыялістамі
Доўгатэрміновыя вынікі вашай паездкі:
Апішыце ў агульных рысах, прыводзячы чаканыя прыклады
Узровень валодання мовай краіны, якую вы выбралі для стажыроўкі:
Як вы плануеце арганізаваць камунікацыю з прымаючым бокам/партнёрам(-амі)?
Выдаткі на паездку