Удзел беларускага медыка ў Кангрэсе ў Барселоне

Мы хочам падзяліцца яшчэ адной «медыцынскай» гісторыяй. Беларускі нейрахірург наведаў Кангрэс Еўрапейскай асацыяцыі нейрахірургаў у Барселоне. Гэта мабільнасць стала магчымай, дзякуючы праграме MOST+ у сектары «ахова здароўя».

На ім беларускі спецыяліст прадстаўляў тры постэрныя даклады, якія адлюстроўвалі вынікі працы яго медыцынскай установы.

«Мне атрымалася паслухаць даклады калегаў не толькі з краін Еўрасаюза, але і запрошаных спікераў з Японіі, ЗША, краін Паўднёвай Амерыкі. Я паўдзельнічаў у майстаркласах, абмеркаваннях па розных актуальных нейрахірургічных праблемах, пазнаёміўся з тэхнічнымі распрацоўкамі і найноўшым медыцынскім абсталяваннем прадстаўленым на выставе, якая праходзіла на пляцоўках кангрэса», - распавядае беларускі спецыяліст.

Вынікам паездкі стала знаёмства з калегамі з Еўрасаюза, атрыманне доступу да матэрыялаў і даследаванняў па розных нейрахірургічных праблемах. А новыя кантакты з калегамі дазволяць атрымліваць экспертнае меркаванне пры вядзенні «асабліва складаных» пацыентаў. Беларускі медык таксама дадае, што мае планы правесці сярод сваіх калегаў азнаямленчую лекцыю па выніках паездкі, дзе распавядзе пра навіны ў рабоце калег з ЕС, пра вынікі актуальных даследаванняў і пра тэхнічныя навінкі ў нейрахірургіі.

Праект MOST+ – гэта праграма стажыровак, якая спрыяе прафесійнаму абмену паміж беларусамі і іх калегамі з краін ЕС; фінансуецца Еўрапейскім саюзам і рэалізуецца Гётэ-Інстытутам.

© Фатаграфіі з архіва ўдзельнікаў мабільнасці

Гісторыі з паездак у межах MOST

“Марыла пабываць на гэтым кінафестывалі 8 гадоў!” Гісторыя паездкі культурнай мэнеджэркі з Вільнюса

Надзея Ількевіч займаецца культурніцкім мэнеджментам больш за 10 гадоў. У яе досведзе – прадусаванне тэлепраектаў у Беларусі, стварэнне міжкультурніцкіх і міжнародных музычных праектаў, яскравыя выступы на буйных канферэнцыях і нарэшце стварэнне ўласнай культурнай пляцоўкі і прадусарскага цэнтра ў Вільнюсе для лакальнай беларускай (і не толькі) супольнасці. Летась Надзея разам з калегай і кінематаграфістам Варфаламеем Курага, пры падтрымцы праграмы стажыровак MOST, паехалі на кінафестываль La Guarimba у італьянскай Калабрыі.

Падрабязнасці

Трэнінг па гештальце для беларускіх псіхолагаў у Серакузах

Сёння мы распавядаем гісторыю групы беларускіх псіхолагаў, якія паўдзельнічалі ў пяцідзённым летнім трэнінгу ў Сіракузах.

Падрабязнасці

Азнакамляльная паездка ў Бон супрацоўнікаў беларускай НДА

Сёння мы распавядаем пра азнакамляльную паездку ў Бон спецыялістаў з адной беларускай НДА з сектара Ўстойлівае развіццё. Мэтай мабільнасці было перайманне досведу нямецкіх арганізацыяў.

Падрабязнасці

Беларускі доктар на кангрэсе псіхіятрыі ў Берліне

Сёння мы распавядаем гісторыю беларускага доктара, які, дзякуючы праграме MOST+, наведаў кангрэс Нямецкага таварыства псіхіятрыі і псіхатэрапіі (DGPPN) у Берлінe.

Падрабязнасці