Паездка на European Publishing Congress

Журналістка аднаго беларускага незалежнага выдання скарысталася праграмай MOST+ у сектары «Грамадства» і наведала European Publishing Congress у аўстрыйскай сталіцы. Гэта штогадовае мерапрыемства, якое збірае найлепшых адмыслоўцаў Еўропы са сферы СМІ, кіраўнікоў буйных медыяхолдынгаў, людзей, якія працуюць на скрыжаваннях медыя і тэхналогіяў.

«Я наведала лекцыі, майстар-класы медыямэйкераў, прэзентацыі, атрымала шмат уражанняў і непараўнальны досвед. Гэта было інтэнсіўнае навучанне, я выбірала тэмы, найбольш адпаведныя для маёй рэдакцыі, і слухала лекцыі, занатоўваючы самае важнае і выкладаючы самыя істотныя моманты ў наш рэдакцыйны чат», - каментуе свой досвед беларуская спецыялістка.

На гэтым кангрэсе шмат гаварылася пра штучны інтэлект. Многія выказвалі занепакоенасць тым, што ён пазбавіць журналістаў працы і ў канчатковым выніку зойме сабою ўсе СМІ. Напрыклад, такая праца, як пераклад, рэдагаванне, хуткае скарачэнне тэксту ў некаторых выданнях ужо выконваецца робатам, інтэграваным у агульныя інструменты рэдагавання. Таксама там абмяркоўваліся новыя прафесіі, якія хутка спатрэбяцца ўсім рэдакцыям, каб кантраляваць штучны інтэлект і вынікі яго працы.

Спецыялістка кажа, што гэтая паездка, сярод іншага, дазволіла ёй даведацца пра праблемы сучасных СМІ за мяжой, а таксама пра шляхі іх вырашэння. Праслухаць лекцыі ад вядучых графічных дызайнераў СМІ, даведацца больш пра тэндэнцыі ў ілюстрацыі. А таксама паслухаць стравальніц медыяў для жанчын, каб даведацца, якія тэмы яны закранаюць сёння, што змянілася за апошнія гады.

Спецыялістка наладзіла кантакты з калегамі і калежанкамі з еўрапейскіх выданняў і ўжо абмяркоўвае са сваёй рэдакцыяй, як выкарыстоўваць атрыманы досвед і сувязі.