Беларускі доктар на кангрэсе псіхіятрыі ў Берліне

Беларускі доктар на кангрэсе псіхіятрыі ў Берліне

Сёння мы распавядаем гісторыю беларускага доктара, які, дзякуючы праграме MOST+, наведаў кангрэс Нямецкага таварыства псіхіятрыі і псіхатэрапіі (DGPPN) у Берлінe.


«Усяго на кангрэсе было прэзентавана 365 дакладаў па розных тэмах, якія тычацца псіхіятрыі і псіхатэрапіі. Я прыняў удзел у семінарах прысвечаных дыягностыцы і лячэнню абсэсіўна-кампульсіўных разладаў, шызафрэніі, псіхічных разладаў падчас цяжарнасці і ў пасляродавым перыядзе, разладаў харчовых паводзінаў, залежнасцяў ад псіхаактыўных рэчываў, суіцыдальных паводзінаў. Таксама я прыняў удзел у воркшопе, прысвечаным псіхатэрапіі пацыентаў, якія маюць жыццёвы крызіс. Канферэнцыя суправаджалася выставай выдавецтваў, на якой я набыў прафесійную літаратуру», - распавядае беларускі медык.


Ён дадае, што сярод пераваг гэтай канферэнцыі было і тое, што ў параўнанні з іншымі медыцынскімі канферэнцыямі практычна адсутнічалі даклады, спансаваныя фармацэўтычным кампаніямі. А ўсе новыя веды і методыкі ён плануе ўключыць у курсы паслядыпломнага выкладання лекарам, а таксама псіхолагам.


Таксама, ён дадае, што, дзякуючы гэтаму івэнту, ужо наладжаны кантакт з галоўным лекарам псіхіятрычнай клінікі ў г. Касель і кіраўніком амбулаторыі ўніверсітэцкай псіхіятрычнай клінікі Шарытэ. Вядуцца перамовы пра арганізацыю сумесных даследванняў у галіне гісторыі псіхіятрыі і даследаванняў у галіне разладаў аўтычыстычнага спекра ў дарослых.


Праект MOST+ – гэта праграма стажыровак, якая спрыяе прафесійнаму абмену паміж беларусамі і іх калегамі з краін ЕС; фінансуецца Еўрапейскім саюзам і рэалізуецца Гётэ-Інстытутам.

© Фота з архіва ўдзельнікаў мабільнасці

Гісторыі з паездак у межах MOST+

Азнакамляльная паездка ў Бон супрацоўнікаў беларускай НДА

Азнакамляльная паездка ў Бон супрацоўнікаў беларускай НДА

Сёння мы распавядаем пра азнакамляльную паездку ў Бон спецыялістаў з адной беларускай НДА з сектара Ўстойлівае развіццё. Мэтай мабільнасці было перайманне досведу нямецкіх арганізацыяў.

Падрабязнасці Link arrow
Стажыроўка ў Літоўскі дзяржаўны архіў

Стажыроўка ў Літоўскі дзяржаўны архіў

Беларускі спецыяліст архіўнай справы зладзіў прафесійную мабільнасць у Літоўскі дзяржаўны гістарычны архіў.

Падрабязнасці Link arrow
Віктар Дэйч пра мабільнасць у Італію з праграмай MOST

Віктар Дэйч пра мабільнасць у Італію з праграмай MOST

Сваімі ўражаннямі ад паездкі ў італьянскі адукацыйны цэнтр праз праграму MOST дзеліцца беларускі настаўнік Віктар Дэйч.

Падрабязнасці Link arrow
Паездка кіраўніцы дэпартамента продажаў на курс у Аўстрыю

Паездка кіраўніцы дэпартамента продажаў на курс у Аўстрыю

Сёння мы распавядаем гісторыю кіраўніцы дэпартамента продажаў аднаго беларускага агенцтва, якая, дзякуючы праграме MOST+, накіравалася на трохдзённы навучальны курс Essentials of Negotiation: for all Business People у Вену.

Падрабязнасці Link arrow