Куды паехаць: івэнты па ўстойліваму развіццю

Тэма ўстойлівага развіцця — гэта шматгранная сфера, якая ахоплівае шырокі спектр пытанняў: ад змянення клімату і кругавой эканомікі да ўрбанізму і захавання біяразнастайнасці. 

Мы падрыхтавалі для вас спіс самых яскравых і цікавых мерапрыемстваў у галіне ўстойлівага развіцця на перыяд з траўня па кастрычнiк. Выбірайце тэмы, актуальныя для вас, запаўняце заяўку на праграму MOST і адпраўляйцеся за новымі ведамі ды прафесійнымі кантакамі.

КЛІМАТ I ЭНЭРГЕТЫКА

• Еўрапейская канферэнцыя па адаптацыі да змянення клімату (ECCA) 2025, якая адбудзецца 3–5 чэрвеня ў Дэ-Хааге, Нідэрланды, прысвечана пытанням адаптацыі да змянення клімату праз навукова-даследчыя інавацыі, палітычныя рашэнні і практычныя дзеянні. Мерапрыемства будзе цікавае для навукоўцаў, палітыкаў, бізнесу і грамадскіх арганізацый, зацікаўленых у развіцці ўстойлівых супольнасцей і эканомік.
  
  Больш інфармацыі: ECCA 2025
  
  
• European Sustainable Energy Week (EUSEW) 2025, якая пройдзе 10–12 чэрвеня ў Бруселі і анлайн, – гэта найбуйнейшая штогадовая падзея Еўропы ў галіне ўстойлівай энергетыкі. Мерапрыемства прапануе палітычную канферэнцыю, узнагароды EUSEW, выставы і магчымасці для сеткавага ўзаемадзеяння. Яно будзе карысным для палітыкаў, бізнесу, даследчыкаў і грамадзянскай супольнасці, зацікаўленых ва ўстойлівым энергазабеспячэнні і дасягненні кліматычных мэтаў.
  
  Больш інфармацыі: EUSEW 2025

КРУГАВАЯ ЭКАНОМIКА

• Фестываль Circular Republic 2025, які адбудзецца 22–23 траўня ў Мюнхене і анлайн, прысвечаны інавацыям у галіне кругавой эканомікі. Тэма мерапрыемства — «Стварай сваю канкурэнтную перавагу». Удзельнікі атрымаюць магчымасць далучыцца да панэльных дыскусій, воркшопаў, стартап-прэзентацый і сеткавага ўзаемадзеяння. Асноўны фокус будзе зроблены на пераходзе да ўстойлівага і кругавога падыходу ў бізнесе і вытворчасці. Мерапрыемства будзе цікавае для прадпрымальнікаў, бізнес-лідараў, даследчыкаў, экалагічных актывістаў і ўсіх, хто імкнецца умацаваць свае веды пра кругавую эканоміку.
  
  Больш інфармацыі: Circular Republic Festival
  
  
• EU Green Week 2025, якая адбудзецца 3–5 чэрвеня ў Бруселі і анлайн, прысвечана тэме цыркулярнай эканомікі. У цэнтры ўвагі будуць пытанні пераходу да ўстойлівага выкарыстання рэсурсаў, скарачэння адходаў і развіцця кругавых эканамічных мадэляў. Мерапрыемства ўключае канферэнцыі, панэльныя дыскусіі, выставачныя зоны і магчымасці для наладжвання кантактаў. Мерапрыемства будзе цікавае палітыкам, даследчыкам, бізнес-лідарам, экалагічным актывістам і ўсім, хто працуе ў сферы ўстойлівага развіцця і эканомікі.
  
  Больш інфармацыі: EU Green Week 2025
  
  

УСТОЙЛИВАЕ РАЗВIЦЦЁ

• 13th International Conference on Sustainable Development (ICSD) 2025, якая адбудзецца 10–11 верасня ў Рыме, Італія, прысвечана тэме «Стварэнне ўстойлівай будучыні: ад даследаванняў да дзеянняў». Канферэнцыя збярэ навукоўцаў, даследчыкаў, палітыкаў і бізнес-лідараў для абмеркавання экалагічных, эканамічных і сацыяльных аспектаў устойлівага развіцця. Асноўныя тэмы ўключаюць кругавую эканоміку, змены клімату, гарадское планаванне і адукацыю для ўстойлівага развіцця.
  
  Больш інфармацыі: ICSD 2025

УРБАНIЗМ

• Cities Forum 2025, які адбудзецца 17–19 чэрвеня ў Кракаве, Польшча, арганізаваны Еўрапейскай камісіяй, прысвечаны ўстойліваму гарадскому развіццю і фармаванню будучыні гарадоў у Еўропе. Удзельнікаў чакаюць высокага ўзроўню дэбаты, інтэрактыўныя воркшопы і візіты на праекты, якія дэманструюць інавацыйныя падыходы да ўрбанізацыі і экалогіі. Мерапрыемства будзе цікавае для гарадскіх планіроўшчыкаў, палітыкаў, даследчыкаў, экалагічных актывістаў і ўсіх, хто працуе над паляпшэннем гарадскога асяроддзя і ўстойлівасцю гарадоў.
  
  Больш інфармацыі: Cities Forum 2025
  
  
• European Urban Resilience Forum (EURESFO) 2025, які адбудзецца 25–26 верасня ў Вене, Аўстрыя, прысвечаны праблемам гарадской устойлівасці да змянення клімату і экалагічных крызісаў. Форум аб’ядноўвае муніцыпалітэты, палітыкаў, даследчыкаў і бізнес для абмеркавання стратэгій устойлівасці гарадоў. Удзельнікі атрымаюць магчымасць падзяліцца вопытам, прыняць удзел у воркшопах і наладзіць супрацоўніцтва.
  
  Больш інфармацыі: EURESFO 2025

БІЯРАЗНАСТАЙНАСЦЬ I АХОВА НАВАКОЛЬНАГА АССЯРОДДЗЯ

• Канферэнцыя "Wolves Across Borders", якая адбудзецца 2–6 чэрвеня 2025 года ў Люнтэрэне, Нідэрланды, прысвечана пытанням устойлівага суіснавання з ваўкамі. Асноўныя тэмы мерапрыемства ўключаюць уплыў ваўкоў на грамадства, іх ролю ў прыродных і культурных ландшафтах, інавацыі ў кіраванні папуляцыямі, а таксама адпаведныя заканадаўчыя і палітычныя аспекты. Мерапрыемства будзе цікавае для навукоўцаў, палітыкаў, кансерватараў прыроды і ўсіх зацікаўленых у ахове буйных драпежнікаў і прыроднай разнастайнасці.
  
  Больш падрабязнасцей: Wolves Across Borders
  
  
• Еўрапейская канферэнцыя EUROPARC 2025, якая адбудзецца 7–11 кастрычніка 2025 года ў Літве, аб'яднае спецыялістаў у галіне кіравання ахоўнымі прыроднымі тэрыторыямі, каб абмеркаваць пытанні захавання біяразнастайнасці і ўстойлівага развіцця. Асноўная тэма канферэнцыі — «Прырода для людзей», прысвечаная ўмацаванню сувязі паміж прыродай і грамадствам праз адукацыю, партнёрства і захаванне экалагічных рэсурсаў. Мерапрыемства будзе цікавае для кіраўнікоў ахоўных тэрыторый, навукоўцаў, палітыкаў і арганізацый, якія займаюцца пытаннямі аховы прыроды.
  
  Больш інфармацыі: EUROPARC 2025
  
  

ДЛЯ МОЛАДЗI

• Swiss Climate Summer School 2025, якая пройдзе 24–29 жніўня ў Грындэльвальдзе, будзе прысвечана тэме «Устойлівыя шляхі да Net Zero». Мерапрыемства прапануе лекцыі, дыскусіі і воркшопы з удзелам вядучых навукоўцаў у галіне кліматалогіі. Школа будзе цікавая маладым даследчыкам, экалагічным актывістам і спецыялістам у галіне ўстойлівага развіцця. Удзел вельмі канкурэнтны і абмежаваны да 70 удзельнікаў. Вынікі будуць абвешчаны ў сакавіку 2025 года.
  
  Больш інфармацыі: Swiss Climate Research
  
  
• European Youth Event (EYE) 2025, які адбудзецца 13–14 чэрвеня ў Страсбургу, збярэ тысячы маладых людзей з усяго ЕС, каб абмеркаваць будучыню Еўропы. Удзельнікаў чакаюць дыскусіі, воркшопы і сустрэчы з еўрадэпутатамі. Мерапрыемства будзе цікавае моладзі (16-30 год), якая жадае актыўна ўдзельнічаць у фарміраванні палітыкі і атрымаць новыя веды ў сферы экалогіі, дэмакратыі і інклюзіўнасці.
  
  Больш інфармацыі: EYE 2025